مدونة عايزين ناكل مدونة عايزين ناكل

آخر الأخبار

random
جاري التحميل ...
random

عمل بوريك مورق باللحمة المفرومة بطريقة سهلة بالصور والخطوات


اليوم جبت لكم طريقة من اسهل طرق البوريك باللحمة المفرومة وطعم رائع بجد
طبعا البوريك نوع من العجائن مشهور فى البلاد العربية مثل ليبيا
عمل بوريك مورق باللحمة المفرومة بطريقة سهلة بالصور والخطوات

ممكن يتحشى جبن وممكن لحم مفروم حسب الرغبة انا هنا حشيتة لحم مفروم
مناسب جدا فى وجبات العشاء
يشبة الفطير الى حد كبير ولكن طعم مختلف ندخل على المقادير

المقادير
كيلو دقيق
كوب زيت
كوب ونصف ماء
معلقة صغيرة ملح
معلقتين نشا ومعلقة زيت او زبدة للدهان
فقط لاغير
المقادير دى تكفي لعمل فطيرة تقريبا بحجم كف اليد مثل الصورة
كمية من اللحم المفروم حوالى كيلو إلا ربع او حسب الرغبة

طريقـة العمل
نضع الماء والزيت والملح

ونقلب جيدا يتحول الى اللون الابيض
ننخل الدقيق ونضيفة الى الخليط السائل ونبدأ العجن انا هنا استعملت العجان
ملاحظين العجينة طرية ولمت بس محتاجة رشة بسيطة دقيق وعجن زيادة
ملحوظة الطريقة دى مرنة يعنى مثلا لو حطيتى كمية الدقيق كلها واحتاجت رشة ماء مفيش مشكلة نزود او العكس لو احتاجت رشة دقيق نزود عادى خالص الى ان نحصل على عجينة طرية ومتماسكة ومعجونة بشكل ممتاز
نغطى العجين ونتركها فى الثلاجة ترتاح اقل شئ ساعة وممكن اكتر
هنا بعد ما العجينة ارتاحت
نخلط معلقتين النشا بالزيت او الزبدة بالشكل دة لكى نستعملة فى دهان العجينة بالضبط نفس فكرة السينابون
نفرد العجينة الى مستطيل كبير وندهنها بالخليط السابق
نلفها رول بالشكل دة
ونقطع الرول الى حلقات متوسطة حسب رغبتك فى حجم الفطيرة ونضع القطع فى زيت ونغلفها وندخلها الثلاجة تانى لمدة ساعة
وهنا اللحمة المفرومة المتعصجة بالبصل كمية وفيرة والملح والفلفل الاسمر فقط
 ثم ناخذ قطعة ونفردها على سطح املس طبعا هى هايكون فيها زيت
ونضع فيها كمية من اللحم المفروم حسب الرغبة ونطويها الى مستطيل بالشكل دة
وترص فى الصنية بدون دهان ويوضع سمسم على الوجة وندخلها فرن حار بتاخد حوالى نصف ساعة
عمل بوريك مورق باللحمة المفرومة بطريقة سهلة بالصور والخطوات
وتقدم بالهنا والشفا
تحيــاتى
منوس ننوس
بريك

عن الكاتب

منى ننوس منى ننوس

التعليقات




إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

تابعنا عبر فيسبوك

تابعنا عبر جوجل بلاس

ندعم

جميع الحقوق محفوظة

مدونة عايزين ناكل

2016