مدونة عايزين ناكل مدونة عايزين ناكل

آخر الأخبار

random
جاري التحميل ...
random

طريقة عمل الكريم شانتى وتشكيل ورد التورتات بالفيديو والصور من منوس ننوس

الالبوم دة هاشرح فية على وجه الخصوص طريقة عمل الكريم شانتى بشكل ناجح ومتماسك وهش فى نفس الوقت
وعملتلكم 2 فيديو من مطبخى واحد لتحضير الكريم شانتى علشان تكونوا شايفين القوام على الطبيعة والفيديو التانى لتشكيل الوردة البلدى والوردة المشهورة فى التورتات تابعوا معايا فى الشرح
طبعا الكب كيك ممكن تعتمدوا اى طريقة تحبوها وموجود هنا فى المدونة طرق للكب كيك سواء أبيض او شوكليت
لكن انا هنا المرة دى بصراحة قلت اجرب دقيق الاسبونج فى عمل الكب كيك كمان من باب التجربة والتغيير
وبصراحة طلع هش جددددددا وابيض زى الفل وخفيف خفيف جدا ومقدار اللى عملتة كالتالى
ربع كيلو دقيق اسبونج
معلقة صغيرة محسن جيل للكيك
3بيضات + فانيليا
ربع كوب ماء عادى 
فقط لاغير

هذا المقدار عمل 19 كب كيك

الطريقة كالمعتاد
نخفق الماء والبيض والمحسن دقيقة كدة ثم نضع الدقيق ونستمر فى الخفق لمدة لا تقل عن عشر دقائق الكمية بتزيد جدا وبيتقل ولونة بيفتح جدا نصبة فى القوالب الورق الخاصة بالكب كيك وندخلة الفرن يا دوب عشر دقائق فقط وممكن اقل كمان بيستوى بسرعة جدا وهش جدا جدا
هنحضر الكريم شانتى ونلونة حسب الرغبة وهنا فيديو تحضير الكريمة ومقدارها
إضغط لمشاهدة الفيديو
 تحضير الكريم شانتيه فيديو
أما طريقة عمل الوردة على الكب كيك 
وممكن نفس الطريقة نعمل الوردة على المسمار الخاص بالوردة او حتى على ظهر بولة صغيرة ونشيلها بالمقص ونزين بيها التورتة
وهنا صور لشكل الورد


وهنا لون تانى

وهنا شكل مختلف للورد

وممكن نعمل بيها اشكال كتير زى فكرة الكب كيك البوكية والطريقة بالتفصيل بالفيديو
إضغط لمشاهدة الفيديو
 طريقة عمل ورد الكب كيك والتورتات فيديو
يارب اكون قدرت افيدكم بالطريقة وعمل الورد واعذرونى لو الفيديو مش مضبوط قوى
وتذكرونى بصالح دعائكم حبيباتى

مع تحياتى
منوس ننوس
منى عبد المنعم

عن الكاتب

منى ننوس منى ننوس

التعليقات




إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

تابعنا عبر فيسبوك

تابعنا عبر جوجل بلاس

ندعم

جميع الحقوق محفوظة

مدونة عايزين ناكل

2016