مدونة عايزين ناكل مدونة عايزين ناكل

آخر الأخبار

random
جاري التحميل ...
random

نماذج للعزومات فى شهر رمضان الكريم - عزومات السفرة الرمضانية

نماذج للعزومات فى شهر رمضان الكريم - عزومات السفرة الرمضانية

كل عام وانتم الى الله اقرب وعلى طاعتة ادوم
رمضان كريم
هنا الالبوم دة خاص ببعض امثلة ونماذج لعزومات رمضان على سبيل المثال لا الحصر
طبعا قابل للتعديل على حسب المتاح والمتوفر لديكم من اللحوم او الطيور مجرد فكرة ولكم حرية الاحلال والابدال
وفى كل عزومة حرصت على ان يكون هناك صنف لحوم وصنف طيور وصنف نشويات وسلطة ونواشف وصنفين حلو
اما العصائر فهناك مجموعة متكاملة للمشروبات فى شهر رمضان ممكن تختاروا صنفين او 3 فى العزومة حسب الرغبة
نبدأ بسم الله

النموذج الأول
نقدم فية صنف من صوانى الفرن المحبب لدى الجميع ويعتبر من الاصناف اللذيذة وهى مكرونة بالبشاميل وطريقتها على الرابط التالى فقط إضغطى على اللينك للدخول فى الوصفة

ونقدم صنف من الارز وهو رز بالخلطة مع اللحم وطريقتة على الرابط التالى بالتفصيل ووجود اللحم بداخلة بيعطى لة طعم مميز

وهنا نوع اخر من اللحوم يتناسب اكلة مع المكرونة بالبشاميل وهوة
لحم استيك وطريقتة بالتفصيل على الرابط التالى

وعلشان نعطى للسفرة شكل مميز نقدم ديك رومى بخلطة جميلة

وكتير منا يحب صنف الشوربة على السفرة الرمضانية لانها تعطى تدفئة للمعدة وتعتبر سوائل مهمة نقدم
شوربة دجاج بالمشروم

وعلشان الاكلة دسمة نفضل تقديم سلطة خضراء معاها

اما الحلو فنقدم كنافة بالجلاش طعم جديد وخطيرة

وصنف اخر بارد وهوة كريم كراميل بيتى

اما المشروبات ممكن نغير فيها حسب الرغبة هانعمل نوعين وهما
سوبيا
وتمر هندى
*********************************************

النموذج الثانى
مثال ثانى لعزومة فى رمضان مكونة من
محشى مشكل كوسة وباذنجان وفلفل يعنى تشكيلة حلوة من المحاشى الانواع دى كلها متناسبة مع بعضها

ويتلائم مع المحاشى صوص دمعة داوود باشا

ونعمل صنف من الصوانى وهوة الرقاق المصرى باللحم المفروم على طريقتى الخاصة ان شاء الله هاتعجبكم كتير

وكمان ملائم للاصناف السابقة صينية بطاطس بالفراخ المشوية

ويؤكل معاها رز بالشعرية لذيذ معاها قووووووووى

وصنف شوربة لذيذ وسهل وخفيف وهى شوربة البصل

والحلو انهاردة قطايف بيتى جميلة من الالف للياء

مع نوع حلو بارد اخر وهوة رينبو الجيلى 

اما المشروبات ممكن نعمل مشروب التمر بالحليب مشروب جديد ولذيذ ومغذى جدا 

ومشروب الكركدية او العناب
وصوما مقبولا وافطارا شهيا
*********************************************

ودة نموذج ثالث لعزومة حلوة فى رمضان للناس اللى بتحب النواشف
النموذج الثالث

نقدم مكرونة حمراء خفيفة ولذيذة ومن باب التغيير

وطبعا هناك اصناف كتير مناسبة للتقديم مع المكرونة من اللحوم والدجاج منها
كفتة حاتى

مع صنف معروف ومفضل جدا فى العزومات وهو
كبيبة شامى واحلى حاجة فى الاصناف دى التجهيز المسبق يعنى ممكن نجهز الاصناف دى من قبلها ويا دوب على التحمير بنكسب وقت كثير وبنكون مرتاحين

مع صنف دجاج خفيف وهو رول دجاج بالخضار

وايضا صنف سهل التحضير وخفيف جدا وهوة استيك الدجاج مناسب مع المكرونة

وكام صنف كمان من المقبلات وهى
بطاطس ساندوتش

وسمبوسك باللحمة المفرومة وممكن استبدال اللحم بالجبن حسب الرغبة

اما السلطات المناسبة للاكلة دى سلطة الثومية

وحلو سفرتنا مع العزومة الحلوة دى عبارة عن طبق خشاف وطبعا لا يخلو رمضان من الياميش الرائع وهوة يعتبر مفيد جدا كنوع من الفواكهة المشكلة

ونقدم نوع من الحلويات الشامية المحببة للجميع وهوة بلح الشام المميز

اما المشروبات ممكن باب التغير نعمل عصير جوافة لذيذة وحلوة

ومشروب السوبيا 
*********************************************
النموذج الرابع
رز بالبسلة مع دجاج بالبشاميلصنف لذيذ وخفيف يجمع بين النشويات والخضار فى نفس الوقت ومتاح ان نقدم معة اصناف متعددة

لحم استيكعبارة عن شرائح رفيعة جدا من اللحم المقدم بطريقة صحية وسهلة ولذيذة جدا


جلاش بالفراخ كلنا متعودين نعمل الجلاش باللحم المفروم لكن طريقتة بالدجاج خطيرة جدا وطعم مميز وجديد

دجاج مشوى ايضا من الاصناف السهلة ومش بتاخد وقت كتير فى التحضير وهذا المطلوب فى العزومات

شوربة لسان عصفورنوع خفيف من الشوربات ممكن نعملة بشوربة الدجاج او شوربة اللحم

اما اطباق الحلو فهى
لقمة القاضى او اللقيمات

كنافة بالموز طبعا الكنافة تتعدد انواع الحشوات وطريقة التقديم نقدمها مع سفرة اليوم مع حشو الموز وممكن تقدم قطع

او على شكل كب منفرد

اما مشروبات اليوم فهى
قمر الدين وهو من اكثر المشروبات شهرة فى رمضان

سوبيا لكن المرة دى هانعملها فى البيت بطريقة سهلة وسريعة ولا اطعم من كدة
*********************************************

النموذج الخامس
ملوخية خضراء العزومة دى تعتبر من العزومات المصرية الاصيلة والتقليدية

رز حباية وحبايةويقدم معاها رز حباية وحباية من انواع الرز المفضلة مع الملوخية

والارانب المفضلة مع الملوخية وممكن استبدالها ببط او حمام حسب الرغبة

ونقدم بجانب الاصناف دى تشكيلة من المحاشى عبارة عن
محشى ورق عنب
محشى كرنب

وياسلام على دمعة اللحمة مع المحشى رائعة جدا
دمعة لحمة

اما اطباق الحلو فهى
كنافة بالعجوة

مع صنف من اطباق الحلى الباردة وهى مهلبية قمر الدين
مهلبية

والمشروبات عبارة عن
تمر هندى
*********************************************

النموذج السادس
العزومة دى مختلفة شوية وهى عزومة اسماك وبحريات
جمبرى بانية
من الاصناف اللذيذة المحببة وطريقتها سهلة وزى المطاعم واحسن كمان

سمك فيلية مقلى
جمبرى مسلوق مع از بالجمبرى
وجمبرى مسلوق بالشوربة

سمك بلطى مشوىوصنف تانى من السى فود وهوة سمك بلطى مشوى

ومناسب لة الرز الابيض المصرى
رز ابيض

والسلاطات المناسبة للسى فود
طحينة

بابا غنوج

ثومية

والمشروبات هنغير انهاردة نقدم عصير ليمون

والحلو بغاشة

صوما مقبولا وافطارا شهيا باذن الله تعالى
رمضــان كريم
يارب اكون قدرت اساعدكم فى التفكير فى تحضير وتنسيق عزومات الشهر الكريم لنكسب ثواب افطار صائم ولا تنسونى بصالح دعائكم احبائى وكل عام وانتم بالف خير وصحة وسعادة يارب
نماذج للعزومات فى شهر رمضان الكريم - عزومات السفرة الرمضانية
مع تحياتى
منوس ننوس
منى عبد المنعم

عن الكاتب

منى ننوس منى ننوس

التعليقات




إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

تابعنا عبر فيسبوك

تابعنا عبر جوجل بلاس

ندعم

جميع الحقوق محفوظة

مدونة عايزين ناكل

2016