مدونة عايزين ناكل مدونة عايزين ناكل

آخر الأخبار

random
جاري التحميل ...
random

طريقة عمل الكشك المصرى بالصور والخطوات المفصلة من أكلات الشيف منوس ننوس


دة كشك بطريقتى هو ليه طرق كتيرة ومختلفة كل واحد حسب رغبته
بس دى اسهل طريقة جربوة ان شاء الله يعجبكم 

الكشك دة عبارة عن صنف حادق زى الرز بحليب
بس بالملح مش بالسكر له طرق كتيرة بس دى اسهل طريقة
وطعمها تحفة وممكن يتاكل بجانب دجاج يصبح وجبة كاملة
ويؤكل بالمعلقة او بالخبز حسب الرغبة 


طريقة العمل والتحضير
هنا نجيب الحلة اللى هنعمل فيها الكشك نحط فيها 2معلقة سمنة


نبشر بصل يكون خشن شوية ونبدأ بتحميرة
ونضيف لة معلقة صغيرة دقيق علشان يقرمش


نلاحظ ان البصل بدأ لونه يتغير عندما يصل للون الذهبى الغامق
او البنى يعنى نصفية من السمنة


بهذا الشكل ونتركه جانبا للتزين فى الاخر


وفى نفس الحلة نغسل نصف كوب رز ابيض مصرى
ونصفيه من الماء ونضعه فى الحلة


ونغطيه بالماء حوالى 2 كوب ماء ويترك على النار حتى يسلق


وهنا نلاحظ ان الرز ابتدأ يتسلق والماء ابتدأ يقل


ودة شكل الرز من قريب استوى كويس جدا وفتح ولازم يكون كدة


هنا خلاص استوى على الاخر واصبحت النشا باينه فيه


نكون مجهزين كوب ونصف من الحليب
وندوب فيهم معلقة كبيرة دقيق ندوبة كويس جدا
نصبة على الرز وايضا نضع شوية من سمنة تحمير البصل
وملح وفلفل اسمر و2 مكعب مرقة دجاج
وعلى فكرة ممكن شوربة دجاج مع الحليب حسب الرغبة
لكن انا بعملة بحليب بس وممكن كمان فى المرحلة دى
نضيف شرائح من الدجاج المسلوق المخلى


نستمر فى التقليب حتى يصبح قوامة تقيل نسبيا زى البشاميل
وايضاً مايكنش خاتم لانه لما بيبرد بتقل شوية كمان


نغرفة فى اطباق التقديم ويزين بالبصل حسب الرغبة


وممكن بالشكل دة زى ما تحبة وبالهنا
** منوس ننوس **
(منى عبد المنعم)

طريقة عمل الكشك المصرى بالصور والخطوات المفصلة من أكلات الشيف منوس ننوس

عن الكاتب

مدونة عايزين ناكل مدونة عايزين ناكل تسعى مدونة عايزين ناكل للوصول لأفضل مدونة متخصصة فى مجال الطهى، وطريقة العرض .. ونرجو اذا اعجبتكم المدونة ان تساعدونا بنشرها من خلال حسابتكم على مواقع التواصل الإجتماعى مثل تويتر والفيس بوك وجوجل بلس .. ولكم جزيل الشكر.

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

تابعنا عبر فيسبوك

تابعنا عبر جوجل بلاس

ندعم

جميع الحقوق محفوظة

مدونة عايزين ناكل

2016