مدونة عايزين ناكل مدونة عايزين ناكل

آخر الأخبار

random
جاري التحميل ...
random

طريقة تسييح وعمل الزبدة الفلاحى للحصول على سمنة بلدى ومورته بالتفصيل والصور من الشيف منوس ننوس



كيفية العمل والتحضير

طبعا هنا دى الزبدة الفلاحى البلدى بيكون لونها ابيض
لانها جاموسى أما الصفراء فهى بقرى
انا هنا بشتريها واحفظها فى الفريزر عند الحاجة اسيحها
وأساسية عندى لـ لوازم العيد من كحك وغريبة دة اساسى
وهنا دة شكلها 


نضع الزبدة فى حلة كبيرة ونرش رشة ملح صغيرة جدا
بمقدار نصف معلقة صغيرة ونضعها على النار
اول ما تبدأ تغلى بتكون رغوة بيضاء بالشكل دة 


من أول ما تبدأ تغلى نخلى النار متوسطة حتى لا تحترق
ونبدأ نشيل الرغوة البيضاء دى بعد ما تغلى خمس دقايق مثلاً
ونحتفظ بيها جانباً دلوقتى


ونتركها على النار حتى تفصل مع ملاحظتها
وهنا انا حبيبت تشوفوا شكلها شايفين الحبيبات الداخلية دى
كدة لسة محتاجة كمان دة بيكون حليب لازم تكون صافية ونقية بدون الابيض 


وهنا بعدما أصبحت جاهزة هى دى السمنة المستخرجة من الزبدة
بيكون لونها اصفر شوية وهى سائلة لكن لما تجمد تتحول للأبيض تانى 


وهنا نتركها تبرد ثم تعبأ فى برطمانات
وهنلاقى فى نهاية الحلة حاجة لونها بنى فاتح
ودى بنسميها عندنا فى مصر مورتة
عارفين بقى الوش الأبيض الرغوة اللى شيلناهاه فى الأول
نرجع نحطها تانى فى نفس الحلة على الجزء البنى دة
ونتركها على النار شوية تصفى كمان وممكن فى الحالة دى نزود رشة ملح
لان المورتة دى بتتاكل مع الخيار رائعة زى الجبنة بالضبط 


شايفين شكلها هى بتطلع شوية سمنة كمان نميل الحلة على الجانب
لكى نتمكن من ازالة السمن بهذا الشكل والحصول على المورتة 


وهنا شكل السمنة النهائى بعد ما وضعتها فى الثلاجة
وتستخدم فى الاكلات او الحلويات وبالهنا
** منوس ننوس **
( منى عبد المنعم )

طريقة تسييح الزبدة الفلاحى للحصول على سمنة بلدى بالتفصيل والصور من الشيف منوس ننوس

عن الكاتب

منى ننوس منى ننوس

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

تابعنا عبر فيسبوك

تابعنا عبر جوجل بلاس

ندعم

جميع الحقوق محفوظة

مدونة عايزين ناكل

2016