مدونة عايزين ناكل مدونة عايزين ناكل

آخر الأخبار

random
جاري التحميل ...
random

طريقة عمل كفتة بانيه مع مكرونة بالتفصيل والصور من أكلات الشيف منى عبد المنعم


دى كفتة بطريقة جديدة وطعمها حلو جدا وكمان ريحتها حلوة
انا بعملها جنب مكرونة بالصلصة وبطاطس محمرة وسلطة

طريقة العمل والتحضير
بنحضر صوص المكرونة نحط فى الحلة معلقة سمن مع معلقة زيت
واول ما تسخن نضيف لها عصير طماطم طازة
فى ناس بتعملها بمعجون الطماطم
لكن بالطماطم الطازة احلى كتير ونتركها تتسبك


دة شكل الصوص بعد ما تسبك


دة نوع المكرونة اللى بستعملها هى تركى
واسمها بشلار لكن تحفة وبيضة وما بتاخد سوى كتير
وفى منها اشكال كتيرة جدا دى حلزونية


هنا بكون حاطة على النار حلة فيها ماء يغلى
وشوية ملح ومعلقة صغيرة زيت ونتركها تستوى


نصفيها فى مصفاة ونفتح عليها ماء الحنفية البارد
عمرها ما تعجن لان كده احنا نزلنا النشا اللى فيها شايفين واحدة من واحدة


نفضيها على الصوص اللى جهزناه ونضبط الملح والفلفل
ونقلبها كويس وانا بحب احطها تانى على نار هادئة جدا
لمدة ربع ساعة ويستحسن نحط تحتها الشياطة
اللى هى عبارة عن صاجة مخصصة بنحطها تحت الحلة
علشان الاكل ما يتلسعش ودة شكل المكرونة بعد ما جهزت
شايفين مش معجنة ولا حاجة


طريقة عمل الكفتة البانيه

المكونات والمقادير
نحتاج الى حوالى نصف كيلو لحمة مفرومة
و 4 فصوص ثوم وبصلة متوسطة
وبقدونس وكزبرة وشبت يعنى حوالى 6 اعواد من كل نوع
واهم حاجة الكزبرة وهنحتاج الى رز ابيض مستوى

انا لما بيتبقى عندى رز جاهز للأكل بشيله فى الفريزر للوصفات دى
وطبعا ليمونة وملح وفلفل اسمر ومعلقة صغيرة بقسماط

كيفية العمل والتحضير
فى الكبة نحط البصل والثوم والخضرة ونفرمها


الرز المستوى حوالى نصف كوب بالشبة يعنى مش لازم نعاير


بعد ما فرمنا البصل والخضرة والثوم نضيف الرز


ونضيف اللحمة المفرومة والتوابل والليمون
ومعلقة بقسماط صغيرة ونخلط


بيكون دة شكلها كل حاجة متجانسة مع بعضها


نحطها فى طبق ونبدأ بتشكيلها
مع دهان اليد بالزيت لسهولة التشكيل


ممكن تتعمل اصابع بس انا بحب اعملها بالشكل دة صوابع مبططة بالشكل دة


هنا انا جهزت طبق فية دقيق وبقسماط على بعض
وطبق تانى فية بيض حوالى 2 وشوية حليب
ومعلقة زيت صغيرة وملح وفلفل اسمر وعصرة ليمون


نأخذ واحدة واحدة ونحطها فى خليط البيض


ثم فى خليط الدقيق


الى ان تنتهى الكمية كلها وبتكون بالشكل دة


نكون محضرين زيت ساخن ونبدا فى القلى


نلاحظ انها بتنفخ شوية ونقلبها على الجانبين


ممكن تقدم بشكل فردى بالشكل دة مع مكرونة وبطاطس وسلطة

طريقة عمل كفتة بانيه مع مكرونة بالتفصيل والصور من أكلات الشيف منى عبد المنعم

أو تقدم مع بعضها بالشكل دة
ودة شكل الكفتة النهائى وبالهنا
** منوس ننوس **
( منى عبد المنعم )

طريقة عمل كفتة بانيه مع مكرونة بالتفصيل والصور من أكلات الشيف منى عبد المنعم

عن الكاتب

مدونة عايزين ناكل مدونة عايزين ناكل تسعى مدونة عايزين ناكل للوصول لأفضل مدونة متخصصة فى مجال الطهى، وطريقة العرض .. ونرجو اذا اعجبتكم المدونة ان تساعدونا بنشرها من خلال حسابتكم على مواقع التواصل الإجتماعى مثل تويتر والفيس بوك وجوجل بلس .. ولكم جزيل الشكر.

التعليقات



إذا أعجبك محتوى موقعنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد الموقع ليصلك جديدنا أولاً بأول ، ويمكنك إرسال رساله بالضغط على الزر المجاور ...

إتصل بنا

تابعنا عبر فيسبوك

تابعنا عبر جوجل بلاس

ندعم

جميع الحقوق محفوظة

مدونة عايزين ناكل

2016